مدريد للأبد

منتدى مدريد للأبد هو لمشجي ريال مدريد خاصة و محبي الكره عامة
 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 قصيده خياليه وشاعرها بايعها

اذهب الى الأسفل 
كاتب الموضوعرسالة
الشيخ بوغازي
عضو متميز
عضو متميز
avatar

المساهمات : 153
تاريخ التسجيل : 24/10/2008

مُساهمةموضوع: قصيده خياليه وشاعرها بايعها   الأحد أكتوبر 26, 2008 5:30 pm

بســـم اللـــه الرحمـــن الرحيـــم

الســـلام عليـــكم ورحمــــة المولـــى وبــركاته
وبـــــــــ ع ــــــــــــد!
قصيده روعه لاحد ابناء قبييلة عتيبــه وباين عليــه مغبون بدنيته (وبايعهــا) اتركم مع القصيده



إليكم القصيدة ياجماهيري وهي خطرة

وخلوا هالرقابة تسجن الشاعر وجمهورة

هدوء أيها السادة حظور الحفل والسهرة

مساء الخير على الصاحي وأشوف الناس مخمورة

أنا آسف على الإزعاج ولكن طالة السكرة

ذكرت اني قبل ساعات أصيل وعزوتي نورة

على فكرة الكرفتة عجزت أفكها عسرة

أبي واحد ينزلها أو أي وحدة ومشكورة

وأبي ثوبي جيبو لي ثوبي الأشهب مع الغترة

قبل والله لأطربقها على هالحفل بحضوره

ولا واحد يتكلم قبل ما أخلص النشرة

ومن يحكي قسم بالله لأدوس برجلي حنجوره

تراها قفلت ياسادة بلادي وياسترة

وهي مادمها خربت بأقول الليلة الثورة

أنا بحكي من أول يوم جيت لدنيةٍ قذرة

وتكرم عن قارتها بيوت الله معمورة

أنا مولود في ليلة شتاء مع بردها مطرة

في خيمة وسط صحراء مابها سستر ودكتورة



أنا ياحضرة السادة غريب وضاع من صغره

لعن جدي زماني بين مدهورة ومهجورة

حملت من الشقاء مالايطاق وجايكم ذكره

ولاني عاجز اتحمل واموت بنفس مقهورة

وانا ادري يذبح الرجال كثر الصبر في قهره

وعن قهر الرجال المصطفى حذر ومذكورة

وهم قالوا مفاتيح الفرج للحي في صبره

وانا اشوف الصبر مفتاح ضاع وزاد طابوره

تعبت ألملم ايامي بيدين الهم والحسرة

تعبت ألمع البرواز وامسح غبرة الصورة

تعبت ابوس كف الجوع وخشم الفقر طال عمره

تعبت اكذب على الحاجه وأقول الحال ميسورة

تعبت أحمس من القهوة واحط السمن والتمره

تعبت ودلتي وحده وكل شووي منثورة

احسب العز الدلة وبيت نقلبه عشرة

دلاله اكثره ملعون ومليانه ومسطورة

انا بحكم البداوة انزرع في داخلي بذرة

عن علوم المراجل ألف بذرة فيني مبذورة



تربينا على الدين ونطيع الله مع شكره

تعلمنا نصلي ونحفظ القرأن وكل سورة

تعلمنا نحب الضيف وفينا الكرم فطرة

وتعلمنا نقول الصدق لالفه ولادوره

تعلمنا نحلب النوق ونعرف وشهي البكرة

تعلمنا الظمأ وحنا في يدين البير محضورة

تعلمنا وكثير اللي تعامنا وشكثره

أخذنا درس بالدنيا بلادفتر وسبورة

وانتم ياسكارى الحفل عفوا أيها الزمرة

منهو فيكم عرف قهر الزمان وظلمه وجوره

منهو فيكم وطاه الجوع وذله وصفقه فقره

منهو فيكم عرف يحتاج للقمة ونشف زوره

منهو فيكم من الضيقة حفر بأصابعه قبره

منهو فيكم رقد ليله وسط أجساد مقبورة

منهو فيكم مشى في برمضى كأنها الجمرة

منهو فيكم سهر ليل الظلام بدون أبجورة

منهو فيكم ماطاح ألفين مره وسلمت الجره

وانا من قبل اطيح وجرتي بيديني مكسورة



لكم الماء والوجه الحسن والمال والخضرة

ولنا حنا الظمأ والجوع وفقر وشيفة عورة



ولا مره حظي ضحك في وجهي واشكره مره

وغيري مبتسم حظه وكل ايامه مسروره

كتبت الشعر من صغري وبيوتي مابها كسرة

وانتم تبرزون الي كتب بيتين مكسورة

أنا ياحضرة السادة فقير مااغتنى بشعره

مادام المومس اللي تشري الأشعار مشهورة

وانا ياحضرة السادة هنا الليلة وعلى فكرة

ترى هالبدلة مسروقة ورجلي بجزمة محشورة

ولكن قلت ابحضر هالحفل والوقت ابختصره

وابي ابدع معاكم وسط ليلة انس ومحضورة

وإذا كانت رجولتكم بكأس الثلج والخمرة

انا بشرب بدون الكأس وثلجه ألف قارورة

ابويه قال لي مره دسم شارب بالغبرة

مايدري بالشنب محلوق وجابر فاقد شعوره

انا مشي مادام الليل ودع وابتدأ فجره

بروح ارد هالبدله على المعلاق مزرورة

وانا ادري ياكلاب الحفل إني بالسجن بكرة

مادام الليلة جبت العيد في هذا الحفل وحضوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده خياليه وشاعرها بايعها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدريد للأبد :: منتدى القصص و الروايات و لاقصائد الشعريه-
انتقل الى: